Ao longo de todo o curso estivemos traballando distintos pintores e pintoras do mundo, aprendemos cousas sobre a súa vida e a súa obra, fixemos fantásticos traballos sobre os seus cadros e finalmente invitamos ás famiias a ver as nosas exposicións.
Moitas grazas a todos os que fixeron posible este gran traballo!!
Que ilusión nos fixo recibir a Paula Carballeira, a autora da obra de teatro que estamos preparando no Club de Lectura, entre outros libros...
E que ilusión lle fixo a ela saber que adaptamos a súa obra, escrita para 4 personaxes, a unha obra na que participaron case 40 nenos e nenas (esta obra podes vela neste mesmo blog, na entrada "Teatro club de lectura Daniel no Peirao).
Este curso preparamos unha adaptación da obra sobre a figura de Castelao cando era neno, que escribiu Paula Carballeira. A acción desenvólvese en Rianxo a tarde antes de marchar a Arxentina coa súa nai. Na obra aparecen multitude de alusións aos personaxes de Castelao.
Os nosos libros "vellos" seguen tendo dentro historias marabillosas, e así llo quixemos transmitir a noso alumnado de todas as idades.
Démoslles a oportunidade de levar a súa casa un libro de balde, cun certificado de adopción que os compromete a ler e coidar o libro.
Conseguimos cerca de 200 adopcións!! 👏👏👏
Paralelo ao traballo da obra de teatro que estivemos ensaiando, na que o protagonista era Castelao, fixemos un obradoiro de debuxo no que plasmamos con distintas técnicas e moita creatividade a súa figura.
Moitas grazas a Dani e a Rocío polo seu bo facer.
Na aula de 5ºB temos a sorte de contar con grandes escritoras e ilustradores, e quixemos promocionar o seu fantástico traballo:
Co noso apadriñamento Lector vivimos unha xornada inesquecible. Todo o cole, dende os máis cativos de Infantil, ata os maiores de Primaria, uníronse para compartir historias, soños e moias risas. Enchemos cada recuncho dos corredores, escaleiras, e ata saímos fóra para aproveitar o aire libre.
Grazas a todos os padriños, madriñas e afillados/as por facer que as letras cobren vida. Repetiremos seguro 💓
Para celebrar o día da Poesía, nas nosas aulas transformamos as palabras en arte visual. Partindo dun sinxelo material -un papel A3 e 4 tiras de cartón- cada clase elaborou o seu propio cadro inspirado nun poema.
Pero a poesía non só se mira, tamén se escoita. O alumnado completou a xornada cun emocionante recitado colectivo que encheu de versos o centro.